Апелацискиот суд ги преиначи првите девет условни казни за насилство во Собранието на 27 април, во ефективен затвор. Девет обвинети лани во мај признаа дека учествувале во толпа која сторила насилство, а Кривичниот суд на сите истиот месец им пресуди условни казни.
Обвинителството ги обжали пресудите, а Апелација условните ги преиначи во ефективни затворски казни и сите девет лица, ќе треба да одат во затвор.
Меѓу осудените највисока казна доби Димче Христовски викан Жабата кој беше осуден на една година и шест месеци условен затвор.
Условни казни за насилство на 27ми април преиначени во затворски
