Деновиве адвокатските друштва обвинети, сведоци и други странки во постапката за настаните од 27 април лани за која ќе се суди за тероризам добија невообичаени судски покани. Поканите се со долг текст и прецизни датуми за закажани судски термини. Првиот е на 22 август, а последниот термин е 30 ноември. Доколку се одржат како што е планирано првата пресуда за овој случај може да падне или на почетокот на декември или најдоцна околу Нова Година. Предметот е огромен со многу обвинети и сведоци. Дел се во притвор дел во куќен притвор.
На поканата јасно е наведено дека доколку поканетиот сведок не се појави на закажаниот термин и не го оправда отсуството ќе биде доведен со полција.
Судијата Добрила Кацарска ги закажа рочиштата однапред за да знаат и бранителите на обвинетите да го планираат роковникот оти закажувањето рочишта по одржано рочиште поради обврски на адвокатите може да биде многу проблематично и да го одолговлекува предметот. Исто така поради обемноста на предметот со обвинети треба да биде однапред резрвирана сала за судење која не е искличено да биде свечената сала во Врховен суд со оглед дека има многу обвинети ќе присуствуваат нивни роднини , но и огромен интерес од медиумите.
Меѓу обвинетите се петмина пратеници. 28 лица ќе одговараат за тероризам, а двајцата агенти од УБК кои ги одземаа снимките од безбедносните камери во Собранието, ќе одговараат за помагање. Обвинет е и ексдиректорот во МВР Митко Чавков и други старешини од МВР и од Агенцијата за разузнавање. Обвинети се и актер и оперски пеач.
Поврзани објави
Бетмен повикувал на оро , Дамовски и актерот Јовановски ги повлекуваат доказите
Обвинетиот Борис Дамовски се откажа од правото да даде своја одбрана пред судот, а беше повлечена и листата…
Обвинение и барање за продолжување на притвор за Моника Ристеска (Конопова)
Основното јавно обвинителство Скопје до Основниот суд Скопје 1 Скопје достави Обвинителен акт против едно лице за сторено…
Застаре и „Траекторија“ – повлечено обвинението против Груевски, Пешевски, Јанакиевски и Ѓорѓиевски
Обвинителката Лиле Стефанова го повлече обвинението за случајот со кодно име „Траекторија“ кое се однесува на изградбата на…
Прислушкувани разговори на обвинители во нивната зграда
Обвинителството отвори истрага за прислушкивање на фиксната телефонија на централата на обвинителството. Извлечени се податоци и се испитиваат…