Разузнавачот Тоше Кошиновски, по налог на скопскиот Кривичен суд, а заради доиздржување на затворска казна, денеска бил приведен од полицијата. Кошиновски бил уапсен во кафуле, во скопската населба Ново Лисиче, во моментите додека седел со свој пријател. Пред да биде уапсен Кошиновски случајно се сретнал со неговиот пријател кого го оставил на кратко, бидејќи заминал до некоја од околните обложувалници. Кратко време по неговото враќање, Кошиновски бил уапсен од петмина полицајци. Разузнавачот Тоше Кошиновски, за кривично дело шпионажа, е правосилно осуден, на затворска казна во траење од три години. Тој има издржано две третини од затврската казна, но за него, по налог на Кривичниот суд, била активирана потерница.