Во петок кога обвинителството ќе ги презентира певите сведоци на судењето на настаните од 27 април лани во СОбранието. Покана за сведочење добиле пратениците Дамјан Манчевски, Илија Николовски, Фросина Ременски и Павле Богоевски кои беа нападнати и повредени во прес-центарот на Собранието.

Меѓу триесет и тројцата обвинети се нивните колеги пратениците Крсто Мукоски, Сашо Василевски, Јохан Тарчуловски, Љубен Арнадуов и Љупчо Димовски, поранешниот министер за внатрешни работи Митко Чавков и организаторите на протестите за „За заедничка Македонија“, Владо Јовановски, Игор Дурловски, Богдан Илиевски и Борис Дамовски. Единаесетмина се во притвор, а тринаесет во куќен.

До сега во воведните илзагања ниту еден не призна вина и или пропуст во работата. Адвокатот на Игор Југ го нападна обвинителството со зборовите дека тоа само го клевети дека сакл да го убие Зоран Заев и дека нема никакви докази.

„ Држењето говор е право загарантирано со Уставот а Обвинителството го препознало како сериозно кривично дело“, ќе каже еден од адвокатите.

И дел од обвинетите се обратија кон судот.

„Жалам за тоа што им се случуваше на моите колеги во прес центарот. Повеќето ги познавам и ми се пријатели“, кажа првообвинетиот Крсто Мукоски.

„Жалам за збунетоста и неуспешноста на одговорот на полицијата во моментот на влез во Собранието“, нагласи Митко Чавков, кој раководеше со оперативниот штаб на МВР кој требаше да ја гарантира безбедноста на законодавниот дом.