Во Кривичниот суд привршува судскиот процес ТНТ кој деновиве кулминираше со казни за адвокати, напушатње судница, судење од утро до вечер. На судијата му се брза за пресуда , а обвинетите ги искористуваат сите можни законски основи судењето да трае што подолго. Најочекувано беше сведоењето на Миле Јанакиески кој тврди дека не е виновен ниту пак има дадено налог или потпишано било каков докуумент за уривањето на Космос на Фијат Цановски.
Гарантирам и денес дека ‘Космос’ е дивоградба. Но сакам да дојде Фијат и да каже кој му рече гради на диво ние ќе средиме. Да каже Груевски да каже Мијалков, зборуваше Јанакиески.
За Груевски кој исто така е обвинет рече:
Магарето замина, удривте по мене!
Тој појасни дека имал одлична комуникација со Фијат и синот.
Сакам да застане овде Фијат и да раскаже со кого се договарал и кој му кажал: „Гради диво, јас ќе ти го средам тоа. Нека каже, не само за односите со Груевски, туку и за односите со Сашо Мијалков и со Муса Џафери, да каже кој и што му ветувал на диво да гради“, рече Јанакиески.
Неизвеснен е епилогот и донесувањето на првостепена пресуда која би требало да биде донесена до вторник. Една од поротичките мора да го напушто местото во судница поради истек на мандат и години, со што предметот би почнал одново. Тоа значи дека може да дојде и до застарување и до ново одолговлекување.