„При технички преглед на овој автобус може да се види дека нема ниту еден контролор во работниот канал. Исто така, може да се види дека автобусот не подлежи на системот на тресење која е една методологија која се применува кај останатите возила. За илустрација може да се види техничкиот преглед на едно патничко возило ‘пежо‘. Во овој случај се гледа како контролорот влегува во работниот канал со батерија. Воедно оваа возило се тестира и на системот за тресење“, истакна обвинителот Јакимовски.

Одбраната на обвинитетите негодуваше на овој материјален доказ на обвинителство, и истиот го оцени како ирелевантен, информира новинаската агенција МИА.

Свој коментар на овој доказ даде и обвинетиот Боваровски, кој се гледа на видео материјалот како се движи околу автобусот. Тој истакна дека во овој случај станува збор за вонреден техники преглед на возило наменето за јавен транспорт и истиот престанал да важи кога се реализира редовниот техничи преглед за регистрација (18 декември 2018 година).

„Техничкиот преглед почнува од 14:12 минути. На снимката може да се види како вршам контрола на стаклата, пневматиците и каросеријата на автобусот. Исто така, во еден случај се качувам во автобусот и вршам контрола на кокпитот. Од кога го внесов возилото во компјутер јас влегувам и во каналот од каде се гледа целото подвозје на автобусот. Гледав да не има откачени кабли и констатирав дека нема. На крај автобусот поминува на нагазна плоча за мерење на кочниците. Прво беше мерена предна кончница. Децидно тврдам дека имаше и мерење на рачна кочница, па после и на ножната кочница“, рече обвинетиот Боваровски.

Следното рочиште за случајот „Ласкарци”, e закажано на 14 мај.

Во предметот се обвинети шест лица меѓу кои и сопственикот на компанијата „Дурмо турс“, Дурмиш Белули. Според скопското обвинителство, обвинетите се товарат за кривичното дело тешки дела против безбедноста на луѓето и имотот во собраќајот.

Во големата сообраќајна несреќа загинаа 16 лица, а над 30 беа повредени.  

извор: mia.mk