Пејачот Момчило Бајагиќ Бајага откри дека има реакција на вакцината против коронавирусот и дека не се чувствува добро, пренесува „Индекс.хр“.

„Се чувствувам лошо, ја примив вакцината и имам реакција“, изјави тој за „Курир.рс“.

Дека се вакцинирал, откри Бајага во неодамнешното интервју за „Дневни аваз“ по повод неговиот 61. роденден (19 февруари).

– Што се однесува до мојот роденден, немам големи планови веќе со години. Роденденот го прославувам со пријателите и семејството, одам на пијачка. Но, бидејќи денеска ја примив вакцината, не можам ниту денес да пијам – рекол тогаш добро расположениот Бајага.

Тој, сепак, признал дека не е воодушевен од вакцинацијата, но смета дека тоа е единствениот начин за борба против коронавирусот.

– Морав да се вакцинирам, затоа и ја примив. Повеќето мои го направија тоа, иако знам дека не баш сите. Очигледно дека ќе мора да се вакцинираат, особено луѓето што патуваат. Така што, како што се вели, подобро што побрзо. Но, не дека сум „луд“ по вакцинацијата, ниту сум голем поддржувач на тоа, но не гледам друга опција. Тоа е сега единствениот начин за борба против коронавирусот – заклучи тогаш.

izvor kurir.rs FOTO: NEMANJA NIKOLIĆ