Али Ахмети, лидерот на ДУИ, денеска ја претстави својата предизборна идеја за Албанец на функцијата премиер на државата.
Сега е време да продолжиме да сонуваме. За поголеми соништа, затоа што дојде време да постигнеме уште повеќе. Северна Македонија е нашата земја. Местото за кое се боревме. Имаме еднаков удел во историјата, наследството, економијата и иднината на нашата земја. Сега е време за целосна еднаквост, за преземање одговорност за водење! Време е за првиот албански премиер во Северна Македонија!, рече Ахмети.
Ахмети додаде дека оваа идеја е поголема од која било партија.
Оваа идеја нема никаква врска со ДУИ и секако не со мене. Јас сум тука да го продолжам животот на процесот, да го водам концептот, да станам мост и да го трасирам патот, создавајќи услови за реализација на сонот, додека на вас останува да го спроведете. Јас ќе посеам за да можете да жнеете, изјави Ахмети.
