Првото бебе кое се роди во 2019 година е машко и е прва рожба на 25-годишната мајка Александра Ангеловска од Скопје. Бебето е тешко 3900 грама и долго 52 сантиметри.
,,Бебето се роди 1 минута после полноќ, беше карлично поставено и породувањето беше изведено со царски рез. Измината ноќ имавме доста работа, комплицирани итни случаи. Но,тимот на гинекологија успеа да се справи со предизвиците и сите родилки и бебиња се добро“ изјави Игор Самарџиски лекар на гинекологија.
Тимот предводен од министерот за здравствео Венко Филипче, министерката за труд и социјална политика, Мила Царовска и градоначалникот на град Скопје Петре Шилегов, ги посетија мајката и бебето и им посакаа многу здравје.
Царовска на мајката ѝ додели златник, а Град Скопје штедна книшка со 20.000 денари, плишано мече и бонбониера.
На Гинекологија во Скопје изминатата ноќ се родиле 7 бебиња. Во текот на минатата година биле родени вкупно 4630 бебиња.
текст и фото : Makfax.com.mk
