Кичевчанецот Жарко Данилоски, кој е доцент доктор на Њујорк Универзитетот, работи на истражувања од областа на молекуларна и клеточна биологија. Тој со група истражувачи открија кои гени го „хранат“ ковид -19 и како поефикасно да се лекуваат пациентите од коронавирусот.
Даниловски до неодамна центар на вашиот научен интерес беа новите методи за лекување на рак, што ве предизвика да смените насока ?
Јас живеам и работам во Њујорк, и од почетокот на пандемијата во март, Њујорк беше еден од градовите кој беше најпогоден од пандемијата, и тогаш ни беше наредено да работиме од дома неопределен период. Јас како научник неопходно ми е да работам во лабараторија, да правам експперименти, и единствен начин за да се вратам во лабараторијата беше да се приклучам на истражувањето за корона. Размислив и одлучув да работам на истражувањето за ковид-19 и се вклучув во проектот.
Вие сте еден од седумината автори на истражувањето кое неодамна беше објавено во научното списание Cell( Клетка), за што точно станува збор ?
Уште додека бев дома, пред да станам примарен работник, пред да почнам да работам, во лабараторијата, разговаравме со професорот и група научници, и одлучивеме да го дизајнираме овој проект. Прашањето беше како корона вирусот инфицира човекови клетки. За да го проучиме тоа користевме CRISPR технологија, а таа технологија ни овозможува да ги проучиме секој еден ген по клетка и на тој начин ни овозможува да одговориме дали тој ген е потребен за инфекцијата на вирусот. Морам да кажам дека беше одлична соработката меѓу повеќе автори истражувачи од повеќе институции како Њујорк Универзитетот, Колумбија Универзитетот и една болница.
извор: slobodnaevropa.mk
