Одамна сум кажала за во кафеана сите сме другари. Лесно е да се радуваш, пееш, пиеш… Но во животот доаѓаат моменти кога на маката ќе си ги преброите пријателите.

Така и вечерва ја видов хуманоста на дело. Некои луѓе едноставно живеат дење ноќе за да помогнат. На ближниот , на пријателот, на познаникот. Акцијата СИТЕ ЗА ДРУГАРОТ организирана од активистката Мери Николова Буџаку , луѓето кои се собраа и помогнаа кој колку може и како знае и умее само ме убеди дека околу нас има луѓе кои и парчето леб ќе го споделат.

Успешната акција ќе донесе зрно помош на едно семејство кое се соочува со премрежие. Но тоа семејство не е само, со него сме сите ние и ете така полека свесно несвесно стануваме семејство. Оваа акција не е само помош на оној начин на кој ќе се помогне , тоа е подадено срце и порака која вреди многу повеќе од сите пари на светот – СИТЕ НИЕ СМЕ ВИЕ !

Сите ние кој со збор, кој без збор со поглед , кој со тивок поздрав наполнија нечие срце и дадоа надеж. Пораката која секој од нас наутро навечер треба да си ја повтори е дека без секој се може од оние кои на социјалните мрежи ни го управуваат животот, без оние кои од белите палати со политиката ни ја управуваат иднината , НО без едно не се може – хуманите , големи срца кои и покрај тешкото секојдневие имаат време да бидат тука за нас, за вас , за сите нас во минутата која најмногу се потребни.

ПОСВЕТЕНО !