Во Општата болница во Краљево во замрзнувач се пронајдени 13 мртви бебиња, а директорот на оваа болница „Студеница“ во Краљево, д-р Зоран Мрвиќ денеска на новинарите им рече дека тоа не се украдени бебиња, туку се работи за бебиња починати на породување, над кои е направена обдукција и кои се впишани во општинските книги, а нивните родители не сакале да ги преземат.
– Се работи за телата на бебиња кои последните три години починале на породување во болнциата. Според одлуката на Службата за патологија, нивните тела ги држиме во замрзнувачки. Одлуката за погребување на Собранието на Град Краљево е донесена пред три, четири месеци и сега има постапка за формирање комисија, која ќе го изврши тоа погребувањ, вели д-р Мрвиќ.
Според неговите зборови, болницата до сега немала можност тоа да го направи, зошто три години не им работи крематориумот.
-Тој е монтиран и чекаме согласност од Министерството за заштита на животната средина за палење.
Бебињата ќе бидат погребани според законт кога ќе ја формираме таа комсиија, истакнува д-р Мрвиќ и напоменува дека „тоа не се исчезнати бебиња, туку природно починале“.
Д-р Мрвиќ вели дека во овој случај конкретно се работи за мртвородени бебиеа од 2016 година до денес.
