Украинските специјални сили уапсија вооружен маж кој го блокираше стратешки мост во Киев и се закани дека ќе предизвика експлозија додека пукал во воздух, соопшти градската полиција.
Министерството за внатрешни работи на Украина соопшти дека никој не е повреден. Медиумите објавија дека станува збор за активен војник (42) кој се борел против проруските сепаратисти во источна Украина.
Тој на полицијата и предал килограм експлозив и кажал дека го пронашол во едно село, наведува една информативна интернет страница.
