Mинистерот за внатрешни работи, Оливер Спасовски денеска соопшто дека напаѓачите на политичкиот активист Љупчо Палевски-Палчо се наоѓаат во притвор и се работи на расчистување на случајот.
-Што се однесува до нападот што беше врз Љупчо Палевски. Да имаме приведено осомничени лица и моментално се работи на целосно расчистување на случајот, откри Спасовски.
Љупчо Палевски во гостувањето во емисијата „А што не е јасно“ на телевизија Алфа како нарачатели на нападот врз него ги посочи Зоран Заев и Сашо Мијалков.
Тој деновиве брутално беше нападнат и претепан пред својот дом во центарот на Скопје од страна на двајца напаѓачи кои по настанот побегнале од местото со мотор.
