Шеќерим Ахмети, познат како „Ел Чека“, објави нова аудио бомба преку социјалната мрежа Фејсбук.
Овојпат се слуша гласот на Радмила Шекеринска, која на функционер на ДУИ му ги кажува нејзините упатства за тоа како да гласа член на Државната изборна комисија и неговиот „одлучувачки глас“ во изборите.
Според разговорот Шекеринска бара од Бесими членовите на Државната изборна комисија да гласаат принципиелно по однос на изборната победа која ја понесе и во првиот круг кандидатот на СДСМ, Андреј Жерновски. Шекеринска вели дека одлучувачки е гласот на членот од ДУИ, Субхи Јакупи, и доколку има прегласување секаде каде што победува опозицијата, тоа ќе го загрози извештајот за Македонија.
И покрај овој разговор во Центар потоа сепак ќе има прегласување, но и во вториот круг победата ќе ја понесе Жерновски.
За истото ова дело кое го сторила Шекеринска, СЈО го водеше случајот „Титаник 2“, во кој за истото дело беше осуден екс-директорот на УБК, Сашо Мијалков.
Во првостепената пресудата за предметот „Титаник 2“ поранешниот директор на УБК Сашо Мијалков е осуден на 3 години затвор, Мендух Тачи – на 3 години и 2 месеци, Бедредин Ибраими – на 4 години и 6 месеци, Влатко Сајковски – 3 години, Сашо Срцев – на 3 години и Елизабета Стефановска – на 3 години затвор.
Во случајот „Титаник 2“ обвинетите буквално го сториле истото кривично дело кое го сторила Радмила Шекеринска во аудио-бомбата која ја објави „Ел Чека“.
