Млад брачен пар е убиен во Австралија последниот ден од годината, а единствен осомничен е таткото на жената. Настанот се случил во предградие на Мелбрун, а младиот сопруг Ветон Мусаи кој имал 29 години е по потекло од Струга. Ветон и Линдита Мусаи биле застрелани во нивниот дом. Дваесет и петгодишната Линдита починала на лице место, а Ветон утредента во болницата.
Таму во моментот е и единствениот осомничен, таткото на убиената затоа што и тој има прострелна рана која си ја нанел обидувајќи се да се самоубие.
Ветон Мусаи бил вработен во австралиската национална банка и бил син на поранешниот шеф на албанското здружение на заедници во Австралија, Алил Мусаи, со потекло од Струга.