Одземен пасошот на Вранишковски

Завчера на граничниот премин Меџитлија кај Битола, Министерството за внатрешни работи му го одзела пасошот на егзарх Јован Вранишковски. Според групата следбеници на екс владиката на МПЦ – ОА, МВР не дало објаснување за одземање на пасошот. Според ПОА “таква дискриминација со одземање на патни исправи без никакво образложение, својствено е за правно неуредени држави, држави во кои нема никакво владеење на правото”.
Групата на Вранишковски тврди дека со верскиот прогон, Владата го крши и Уставот и меѓународните конвенции, кои ги има потпишано, со што ја продолжува праксата на претходната Влада, за што, од Европскиот суд за човекови права во Стразбур неодамна ѝ беше наложено да ѝ плати оштета на Православната Охридска Архиепископија.
Најмалку тројца негови блиски соработници се на високи позиции во владата на Заев а еден е раководител на владиниот тим за пропаганда, пренесуваат медиумите и социјалните мрежи.

Total
0
Shares
Поврзани објави