Министерот за здравство, Венко Филипче смета дека воведување полициски час во моментов нема да има никаков ефект.

„Рестрикција во движењето, во смисла на полициски час сега сметаме дека нема да има никаков ефект“, изјави Филипче по завршувањето на состанокот на Советот за безбедност.

Тој вели дека сега треба да се превенираат групирањата и тоа што задолжително треба да се прави е да се носат маските и на отворено и во затворено.

„Тоа се основните принципи за превенција на ширење на вирусот“, рече Филипче.