Филипинската царина на меѓународниот аеродром во Манила заплени 757 тарантули спакувани во кутии за бисквити увезени од Полска.
Полицијата потоа го уапсила и Филипинецот за кого биле наменети егзотичните пајаци. За него, тие биле „колекционерски предмети”.
Филипинските закони за диви животни забрануваат продавање, собирање и поседување такви животни, без неопходните дозволи. Но, и покрај високите парични, па и затворски казни, лани во Манила царината запленила примероци од стотици најразлични видови. Меѓу нив има игуани, камелеони и влекачите наречени брадести змееви.
foto: AP
