Во Европа се зголемува незадоволството поради рестриктивните мерки

epa08928596 A protestor is being arrested by police during an anti-lockdown demonstration in London, Britain, 09 January 2021. EPA-EFE/FACUNDO ARRIZABALAGA

 – Во многу европски земји, со месеци е во сила строг „локдаун“, што заедно со бавната кампања за вакцинација, но и појавата на нови варијанти на вирусот, резултира со фрустрација, гнев и бегство во светот на забавите.

„Корона-немирите“ најсилно ја погодија Холандија, оценува Дојче веле. Во таа земја има големо незадоволство поради воведувањето на ноќниот полициски час, кој важи од викендот. Стотици насилни млади луѓе протестираа во неделата, а потоа и синоќа. Тие, исто така, ја нападнаа полицијата на улиците во Амстердам, Ротердам и Хаг.

epaselect epa08964072 Police officers try to disperse crowds during anti-lockdown protest in 18 Septemberplein in Eindhoven, the Netherlands, 24 January 2021 (issued 25 January 2021). Clashes between police and protesters erupted on 24 January as hundreds demonstrated against coronavirus restrictions in Eindhoven. According to news reports, the police used water cannons and tear gas to disperse the illegal protest and arrested more than 30 people. The Netherlands has been in a tough lockdown since December that is expected to continue to 09 February. EPA-EFE/ROB ENGELAAR

– Не сме виделе толку насилство во последните 40 години, рече Коен Симерс, претставник на холандскиот полициски синдикат НПБ.

Премиерот Марк Руте на Твитер оцени дека овие настани немаат никаква врска со протести или борба за слобода, туку дека станува збор за „криминално насилство“, пренесува Дојче веле.

И британската полиција имаше многу работа за време на викендот. Со кучиња и хеликоптер, лондонската полиција прекина една нелегална забава со 300 гости за време на викендот. На местото на настанот, 78 лица мораа да платат казна од 200 фунти за кршење на прописите во врска со коронавирусот. Многумина избегнаа казна, прекачувајќи се преку ограда. Една недела порано, полицијата прекина забава со 200 гости.

И во Германија, во одредени случаи надвладеа желбата за забава наспроти прописите за заштита на здравјето. Во неколку сојузни провинции, полицијата прекина помали „корона-забави“ и поднесе обвиненија.

Во Данска се уапсени три лица кои запалија кукла на која беше залепена слика на премиерката Мете Фредериксен за време на протестите, одржани викендов, против ограничувачките мерки. Под куклата стоеше натпис „Таа мора да биде убиена“. Инцидентот предизвика големо незадоволство во Данска.

Во Полска угостителите и туристичките работници протестираат против продолжувањето на рестриктивните мерки. Претставници на повеќе од сто хотели, ресторани, барови, како и бројни претприемачи од забавната индустрија, минатата недела заедно излегоа на Твитер, најавувајќи дека повторно ќе започнат со работа. Тие сметаат дека се во право врз основа на пресудата на управниот суд во полскиот град Ополе, која утврди дека е воведен делумен „локдаун“ без механизмот предвиден во полскиот Устав.

Total
0
Shares
Поврзани објави